Pixel Tag ട്രാക്കറും Gemini AI ഫീച്ചറുകളുമായി ഗൂഗിളിന്റെ നവംബർ Pixel Drop

ഗൂഗിൾ തങ്ങളുടെ നവംബർ 2026 Pixel Drop അപ്ഡേറ്റ് ഔദ്യോഗികമായി പുറത്തിറക്കി. Pixel സ്മാർട്ട്ഫോണുകൾക്കും Pixel Watch-കൾക്കുമായി നിരവധി പുതിയ AI സവിശേഷതകൾക്കൊപ്പം Pixel Tag എന്ന പുതിയ ഐറ്റം ട്രാക്കറും കമ്പനി അവതരിപ്പിച്ചിട്ടുണ്ട്.

പ്രധാന സവിശേഷതകൾ

• Gemini Intelligence & Rambler: Pixel 10 സീരീസ് ഫോണുകളിലേക്കും Gemini Intelligence എത്തി. വോയ്സ് ടൈപ്പിംഗിലെ 'um' പോലുള്ള അനാവശ്യ ശബ്ദങ്ങൾ ഒഴിവാക്കി വ്യക്തമായ വാചകങ്ങളാക്കുന്ന Rambler ഫീച്ചർ ശ്രദ്ധേയമാണ്. ഉടൻ തന്നെ Samsung Galaxy S26 സീരീസ്, Z Fold8 എന്നിവയിലേക്കും ഇത് എത്തും.
• Task Automation ഇന്ത്യയിൽ: ഭക്ഷണം ഓർഡർ ചെയ്യാനും റൈഡ് ബുക്ക് ചെയ്യാനും Gemini-യോട് ആവശ്യപ്പെടാവുന്ന ടാസ്ക് ഓട്ടോമേഷൻ സൗകര്യം ഇന്ത്യയിലും യുകെയിലും ജപ്പാനിലും വ്യാപിപ്പിച്ചു.
• Create My Widget: കോഡിംഗ് അറിയാതെ തന്നെ സാധാരണ വാക്കുകളിൽ നിർദ്ദേശം നൽകി Gmail, Calendar എന്നിവയിൽ നിന്നുള്ള വിവരങ്ങൾ ചേർത്ത് സ്വന്തമായി വിഡ്ജറ്റുകൾ നിർമ്മിക്കാം.
• Pixel Search & HiLight: Pixel 6 മുതലുള്ള ഫോണുകളിലേക്ക് Pixel Search-ഉം, പ്രിയപ്പെട്ടവരിൽ നിന്നുള്ള മെസ്സേജുകൾക്ക് ഫോൺ കമഴ്ത്തിവെക്കുമ്പോൾ ലൈറ്റ് തെളിയുന്ന HiLight ഫീച്ചറും ലഭിക്കും.

Pixel Tag സവിശേഷതകളും വിലയും

100 കോടിയിലധികം Android ഉപകരണങ്ങളുള്ള Find Hub നെറ്റ്‌വർക്കിൽ പ്രവർത്തിക്കുന്ന Pixel Tag ബാഗുകളിലും വാലറ്റിലും സൂക്ഷിക്കാൻ അനുയോജ്യമായ മെലിഞ്ഞ ഡിസൈനിലാണ് വരുന്നത്. UWB പിന്തുണയും ഒരു വർഷത്തിലധികം ബാറ്ററി ലൈഫും ഇതിനുണ്ട്. നവംബർ 11 മുതൽ $29.99 (ഏകദേശം ₹2,812) വിലയിൽ ഒരെണ്ണവും, $99.99 (ഏകദേശം ₹9,376) വിലയിൽ നാല് എണ്ണത്തിന്റെ പാക്കും ലഭ്യമാകും.